तीन मई … थे रे बई
घर मा रई ,कखी न जई,
खई पैई अर सैंयू रई
पर तू भैर कतै न जई
किताब पढ़ी, गीत सुणी
या त ऊन की स्वेटर बुणी
चौकू चूल्हू तू करदू रई
झाडू पोछा म वक्त बितई !!
पर तू भैर कतै न जई l
रिश्तेदारों तैं फोन मिलई
दोस्त-यारों तैं याद दिलई
सेवा सौंली सबू तै भेजदू रै
राजी खुशी त्यूं की पुछणू रई
पर तू भैर कतै न जई
गरीब छैं त गरीब ही रई
झोली झंगौरू छंछैणू खई
लोग त्वै मा दैण क आला
तू कैम मागण न जई
पर तू भैर कतै न जई
अंधियारा का बाद उजालू आळू
नयू सुरज तब जगमगाळू
बंच्या रौला त मेहनत करला
ई बात अपणा बच्चों बिंगई
पर तू भैर कतै न जई !!
(सोशल मीडिया से साभार)